Newez !

• LanigTan : ar valeeres-wèb Firefox en brezhoneg tradissionel.
  (an enstalassïon-mañ na gerzh ket mui...)
• LapousKurun : ar vessajerezh Thunderbird en brezhoneg tradissionel.
  Klikit amañ da enstaliñ ar version 1.0 deusouti.

Petra eo Mozilla ?

Mozilla zo ul lojissiel ewid implij Internet. E-barzh ennañ e gaver war un dro ur browser (ewid bale-Web : Navigator), ur v-messajeres, ha benwiji all (da skwer Composer, da sevel pajennoù-HTML) ...
Kerzhoud a ra gant ur bern OS-où, Windows, Mac ha Linux en o zouesk.

Dre benaos eo deuet d'ar bed ?

Mozilla zo ul lojissiel open source (kod digor – forzh piw zo libr da implijañ anehañ ha, dindan serten kondissionoù, da zistribuiñ anehañ modifîet evel en-deus c'hoant). Pal ar browser Mozilla zo respektiñ ar standardoù ha bud portabl - pezh ne ra ket kement-all e gonkurant Microsoft - e-serr moned buan memes tra.

An entite oc'h ober war dro developamant Mozilla zo Mozilla Foundation. Lañset e oa bet d'ar penn-kentañ gant Netscape. Bremañ e ra he hent he hunan, sikouret kenkoulous gant labour he volonterion ha gant arc'hant entreprisoù bras.

Penaos eo bet lokaliset en brezhoneg ?

Sonjet eo bet Mozilla ewid ma vefe aesig-a-walc'h da lakaad en yezhioù all. (Aesig-a-walc'h, namaed ez-eus war-dro 37 000 ger da droiñ, heb kontañ ar Sikour...) Se vez gwraet gant volonterion iwe, ekipoù pe tud o hunan distag deus Mozilla Foundation.

Al labour-lokalisañ-mañ zo bet komañset ba penn-kentañ bloaz 2000 (diwar un droidigezh deus Netscape 3 bet gwraet en 1998, - n'eo ket dec'h...) Prest e oa ur «bakadenn-yezh» bêta en mis geñver 2002, hag unan ewid version gentañ Mozilla en mezheven (a-raog na oa heni-ebed c'hoazh en galleg nag en spagnoleg). Dibaoe eo bet newezet ar bakadenn-se ewid peb version pennañ deus Mozilla (versionoù 1.1, 1.2.1, 1.3, 1.4, 1.5, 1.6 & 1.7).

Peb modul zo bet trôet, nemed ar Sikour. Dalc'het zo bet d'ur yezh tost d'ar brezhoneg komset, ha deus e spered, setu ewid kaoseal deus traou hanter-deknik 'z-eus bet kemeret gerioù kar d'ar re implijet en galleg ha saosneg. An doare-skrivañ zo an etrerannyezhel, peogwir n'eus ket med hennezh, etre doareoù-skrivañ brezhoneg a-vremañ, da chom koherant, ewid ar pezh a sell deus distagatur an dialektoù ha deus istor ar yezh.

---

Fotoioù-skramm

Ur sort diaporama ewid tañva anehañ diouzhtu :

---

Penaos enstaliñ anehañ

1. Da gentañ e vo red deoc'h enstaliñ Mozilla, mar n'ho-peus ket c'hoazh. Enstalit Mozilla en saosneg deus amañ ewid kaoud ar version diwezhañ (1.7.3). (Programmoù-enstaliñ en yezhioù all a hall bud kavet c'hoazh dre amañ).
2. Lañsit anehañ.
3. Enstalit ar bakadenn vrezhoneg. Dre ar menu, digorit Edit -> Preferences -> Appearance -> Languages ... ha klikit ar bouton Download more. Kasset e veoc'h d'ur bajenn wèb. Ewid kemer ar brezhoneg, klikit mac/unix/win e-tal ar ger Breton dindan niverenn ho version .

Goude an enstalassion

Goude, martese, e vo goulennet ganeoc'h adlañsal ar browser, pe rebootiñ ar sistem.

Diwar neuse e c'halloc'h choaj etre brezhoneg ha yezhioù all, deus ar prenestr-divis Edit -> Preferences -> Appearance -> Languages ... .

Firefox 2.0 (LanigTan)

A-benn enstaliñ anehi, gwrait evel-mañ :

1. Enstalit Firefox en ur yezh all deus ar bajenn-mañ (dibabit ur yezh disponibl en versïon 2).
2. Enstalit ar modul ewid chanch yezh Locale Switcher.
   (Diwallit : Da gentañ e vo red deoc'h roiñ kred d'ar lec'hienn-mañ (tdsw.free.fr) da enstaliñ lojissieloù.)
3. Enstalit ar bakadenn Brezhoneg.
4. Adlañsit Firefox. Mar n'eo ket en brezhoneg dijà, kemerit dre ar menu :
   Outils -> Langue -> Breton.
5. Ewid distroiñ d'ar yezh gentañ, kemerit dre ar menu :
   Benwiji -> Yezhioù -> Français (galleg),
   Benwiji -> Yezhioù -> Brezhoneg (France) (pakadenn en brezhoneg "peurunvan")...

Firefox 1.5 (LanigTan)

A-benn enstaliñ anehi, gwrait evel-mañ :

1. Red eo kaoud Firefox 1.5 en ur yezh all a-raog toud.
2. Enstalit ar modul eskemm yezh Locale Switcher.
   (Diwallit : Da gentañ e vo red deoc'h roiñ kred d'ar lec'hienn-mañ (tdsw.free.fr) da enstaliñ lojissieloù.)
3. Enstalit ar bakadenn Brezhoneg.
4. Adlañsit Firefox. Mar n'eo ket en brezhoneg dijà, kemerit dre ar menu :
   Outils -> Langue -> Breton.
5. Ewid distroiñ d'ar yezh gentañ, kemerit dre ar menu :
   Benwiji -> Yezhioù -> Français (galleg),
   Benwiji -> Yezhioù -> Brezhoneg (France) (pakadenn en brezhoneg "peurunvan")...

Firefox 1.0.1 (LanigTan)

A-benn enstaliñ anehi, gwrait evel-mañ :

1. Red eo kaoud Firefox 1.0 en ur yezh all dijà.
2. Enstalit ar modul eskemm yezh Locale Switcher.
3. Enstalit ar bakadenn Brezhoneg.
4. Adlañsit Firefox, ha kemerit dre ar menu :
   Outils -> Langue -> br-FR (Brezhoneg tradissionel).

Thunderbird 1.0 (LapousKurun)

A-benn enstaliñ anehi, gwrait evel-mañ :

• War Windows : downloadit ar programm-enstaliñ (Thunderbird Setup 1.0.exe) hag egzekutit anehañ.